A A A

Stáhta siviilariektehálddahus

Stáhta siviilariektehálddahus lea stáhtalaš hálddahusorgána mii gullá Justiisa- ja gearggusvuođadepartemeantta vuollái, ja das lea direktoráhttadoaibma guovddáš áitaruššaneiseváldin. Min barggut leat eanaš čadnon ovttaskasáššiid meannudeapmái. Stáhta siviilariektehálddahusas lea mearridangealbu dáid siviilarievttálaš surggiin: áitaruššan, riekteveahkki, ráŋggáštusčuovvoleami buhtadus, eanaláigoheapmi, testameanttaid duođašteapmi ja áššit veahkaválddi gillájeddjiid buhtaduslága vuođul. Mii hálddašit maiddái ássanmeannudeami dáhkádusortnega go vihkkojuvvo ekonomalaš rihkolašvuohta ja doarjjaortnega erenoamáš riekteveahkkedoaibmabijuid várás.

Stáhta siviilariektehálddahusas lea maiddái Veahkaválddi gillájeddjiide buhtaduslávdegotti, Stuorradikki vuoiggalašvuođabuhtadusa lávdegotti, Riektemedisiinnalaš kommišuvnna, Mánáidáššedovdi kommišuvnna ja Reastaluvvanráđi čállingoddedoaimmat.

Stáhta siviilariektehálddahus lea gealboguovddáš min fágasurggiin, ja mis lea lagaš ovttasbargu Justiisadepartemeanttain, earret eará premissalágideaddjin fágasurggiid láhkabarggus. Stáhta siviilariektehálddahus leat dál sullii 70 bargi, ja mii dálludat guovdu Oslo ja Hamaris (áitaruššanossodat) fiinna kantuvrrain.

Skriv ut